Promovim i Libirit “Nëna e Paqes”

Ditën e mërkurë, datë 16 qershor, Këshilli i Paqes Fier organizoi në ambientet e shkollës jopublike “Numani” promovimin e librit me kujtime të bashkë-themelueses së Federatës së Paqes Universale Dr. Hak Xha Han Mun, të titulluar “NËNA E PAQES, që fshin lotët e njerëzimit”. Në takimin e ngrohtë dhe me shumë energji pozitive ku merrnin pjesë Ambasadorë për Paqe, miq të Federatës së Paqes dhe Federatës së Familjes dhe të ftuar të tjerë, u përcollën mesazhe zemre dhe paqeje. Znj. Suzana Numani, kryetarja e Këshillit të Paqes Fier, falenderoi të gjithë pjesëmarrësit, veçanërisht kryetaren e Asamblesë së Këshillit Kombëtar – znj. Rajmonda Stefa, kryetaren e Federatës së Paqes Universale Shqipëri – Dr. Eva Çipi, nënkryetarin e Federatës së Paqes – z. Myzaljen Hoxha, kryetaren e Këshillit të Paqes Vlorë – znj. Marjeta Mërkuri, dhe presidenten e Federatës së Familjes Shqipëri – znj. Manjola Vasmatics, të cilët nderuan aktivitetin me prezencën dhe mesazhet e tyre.Në mbyllje të aktivitetit, 8 figura të nderuara të qytetit të Fierit u nderuan me titullin Ambasador për Paqe.